Fáilte chuig Na Ceithre Cúirteanna – 100 bliain.

Tugann an aip seo cuntas tarraingteach ar na heachtraí corraitheacha a tharla I 1922, eachtraí a raibh tionchar acu ar mhúnlú na tíre agus na Seirbhíse Cúirteanna mar atá aithne againn inniu orthu.

Ó tógadh an chéad lá riamh iad, go dtí gur ath-tógadh iad tar éis an Chogaidh Cathartha, tugann an aip seo an deis duit teacht ar scéal na gCeithre Cúirteanna is cuma cén áit ina bhfuil tú. Fiú amháin muna bhfuil tú sna Ceithre Cúirteanna féin! Féadfaidh tú foghlaim freisin faoi conas mar a ndeachaigh na Ceithre Cúirteanna in oiriúnt do dheiseanna teicneolaíocha na hAoise Digiteach, tré níos mó seirbhísí a bhogadh ar line.

Meascán d’fhísigh idirghníomhach, físeáin agus téacs atá i gceist, a thabharfaidh siar san am atá caite tú, go trí laethanta corraitheacha i mí Iúil 1922. Treoróidh an aip timpeall choimpléisc na gCeithre Cúirteanna féin tú, agus isteach sa Halla Cruinn mórthaibhseach, áit a bhfuil taispeántas saor in aisce, dar teideal ‘Na Ceithre Cúirteanna – 1922, Roimhe agus i nDiaidh’ ar siúl.

Four Courts 100 App

Íoslódáil an aip anseo agus lean na treoraigh.

Nó, le breis eolais a fháil ar an taispéantas saor in aisce, ar thurasanna treoraithe agus cuairt a thabhairt ar na Ceithre Cúirteanna, féach ar an roghchlár thuas.

Eolas ar Chuimhneacháin 100 Bliain na gCeithre Cúirteanna

Forbraíodh Comóradh Céad Bliain na gCeithre Cúirteanna i bpairtíocht le Coiste Dheich mBliana na gCuimhneachán Chéad Bliain

Tá siad mar chuid de chlár níos leithne cuimhneachán atá faoi réir do 2022. Theastaigh ón gcoiste go mbeadh réimse leathan roghanna ar fáil don phobal ó thaobh aon chuimhneachán de, imeachtaí ar an láthair agus ar líne san áireamh.

Ina measc seo tá:

Sraith Léachtanna Chomóradh Céad Bliain na gCeithre Cúirteanna
Díreoidh na léachtanna seo ar chóras feidhmithe na gCeithre Cúirteanna agus ar an bpobal áitiúil, agus beidh sé ar siúl ó mhí Aibreán go Iúil 2022. Le breis eolais a fháil, déan seiceáil ar Leitheanach Eolais na gCuairteoirí, led’ thoil.

Na Ceithre Cúirteanna - 1922, Roimhe agus i nDiaidh
Osclaíonn an taispeántas i Halla Cruinn na gCeithre Cúirteanna ar an Aoine, 24ú Meitheamh 2022. Tá sé saor in aisce agus beidh an taispeántas oscailte don phobal i rith mí Iúil agus Lúnasa 2022 uilig. Le breis eolais a fháil, déan seiceáil ar Leitheanach Eolais na gCuairteoirí, led’ thoil.

Sraith Léachtanna Chomóradh 100 Bliain na gCeithre Cúirteanna
Cuirfidh Breithimh, maraon le baill reatha agus baill scortha de Sheirbhís na gCúirteanna turasanna treoraithe de choimpléasc na gCeithre Cúirteanna ar fáil, an taispeántas sa Halla Cruinn san áireamh. Beidh na turasanna seo ar siúl ar an Satharn, 25ú Meitheamh, Satharn 2ú Iúil, agus Satharn 9ú Iúil 2022. Le breis eolais a fháil, déan seiceáil ar Leitheanach Eolais na gCuairteoirí, led’ thoil.

Na Ceithre Cúirteanna ar Twitter
Is féidir an t-eolas is déanaí agus nuashonrúcháin ar Chomóradh Céad Bliain na gCeithre Cúirteanna a fháil agus muid a leanúint ar Twitter: @FourCourts100 #FourCourts100

___

Tá Coiste Dheich mBliana na gCuimhneachán Chéad Bliain na gCúirteanna á stiúradh ag Príomh-Bhreitheamh na hÉireann, Donal O’Donnell, le tacaíocht Angela Denning, POF na Seirbhíse Cúirteanna, i bpairtíocht le na breithiúna, baill foirne reatha agus scortha na Seirbhíse Cúirteanna agus Oifig na nOibreacha Poiblí.

Ba mhaith linn ár mbuíochas a ghabháil freisin le na heagraíochtaí agus na daoine a thug an oiread tacaíochta sin dúinn, agus clár na gcuimhneachán á eagrú againn:

Comhaltaí na mBreithiúna: Mr. Justice Gerard Hogan, Ms. Justice Caroline Costello, Ms. Justice Mary Faherty, Mr. Justice Brian Murray, Mr. Justice Maurice Collins, Mr. Justice Brian O’Moore, Mr Justice Cian Ferriter
Judge Elma Shehan, Judge Victor Blake, Judge Grainne Malone.

Comhaltaí ó Oifig na nOibreacha Poiblí: Ciaran O’Connor, State Architect, OPW, Rosemary Collier, Head of Heritage, OPW. 

Ionadaithe ón tSeirbhís Cúirteanna, Comhaltaí ar Scor: Noel Doherty, Noel Rubotham; Comhaltaí Reatha: Alan Baker, Abigail Brechist, Natasha Buchanan, Denise Cole, Patrick Conboy, Gerry Curran, Brendan Houlihan, Maura Howe, Niamh Kearns, Lisa Maybury, Sarahrose Murphy, Saul Philbin Bowman, Coral Tearle, John Whelan.

EOLAS DO THURASÓIRÍ

Tá na Ceithre Cúirteanna ar oscailt don phobal uilig. Tá fáilte roimh chuairteoirí suí isteach ar chásanna cúirte, le gur féidir leo a fheiceáil dóibh fhéin conas mar a fheidhmíonn na cúirteanna. Ní eisiatar ach cásanna ‘in camera’.

Is féidir teacht isteach sna Ceithre Cúirteanna tríd an bpríomhdhoras ar Ché na nÓstaí, áit a ndéanfar seiceáil slándála ar chuairteoirí.

Bíonn na Cúirteanna ina suí gach Luan go deireadh mí Iúil, nuair a dhúnann na Cúirteanna do bhriseadh an tsamhraidh. Beidh an taispeántas sa Halla Cruinn ar oscailt ón Satharn, 25ú Meitheamh. Is fiú cuimhneamh go mbíonn an Halla Cruinn gnóthach nuair atá na Cúirteanna ina suí.